19 برس قبل بننے والی میگاسٹار فلم ’خاکی‘ کے سیکوئل کی تیاریاں جاری ہیں تاہم اس پر فینز خوش دکھائی نہیں دے رہے۔ 2004 میں ریلیز ہونے والی فلم میں امیتابھ بچن کے علاوہ اکشے کمار، اجے دیوگن اور ایشوریا رائے نے کام کیا تھا۔ اس کے حوالے سے معلوم ہوا ہے کہ فلم کے دوسرے حصے پر کام اگلے سال سے شروع کر دیا جائے گا۔
شوبز ویب سائٹ کوئی موئی کے مطابق فلم کے معاون فلم ساز اریمان رمسے نے تصدیق کی ہے کہ فلم کا سیکوئل بنایا جائے گا جس میں اداکار تشار کپور بھی کام کریں گے۔ ان کے مطابق ’ہماری کوشش ہے کہ اگلے سال سے شوٹنگ شروع کر دی جائے اور فلم کی 20ویں سالگرہ پر سیکوئل کو ریلیز کر دیا جائے، جو آج بھی فلم بینوں کے ذہنوں میں تازہ ہے۔‘
